فى ناس كتير بتجلنا لأول مره وبتبقى محتاره تختار تاكل ايه من المنيو بتاعنا عملنالكم دليل بسيط تاكل ايه من حمزه اول مرة – طالما جيت حمزه يبقى لازم تجرب الفطير الشرقى أول حاجه , فطيره حشوها جوه وبره غرقانه فى الجبن . عادة بننصح ان يكون الفطيره ” كيرى بسطرمه ” او سجق اضافة كيرى ” او اى حاجه عليها كيرى الجبنه الكيرى فى الفطير هى اللى بترطب عليك اكلتك , حاجه كده زيها زى الفوار مع كل قطمه بتاخده , ده غير الراحه النفسيه اللى بتحس بيها اول ماتحس بيها فى بؤك وعشان فكرة الناس عن الفطير انه محتاج قعده وقت فى الاكل ، اختراعنلكم الفطيره الصاروخ اطول فطيره فى مصر طولها ٥٠ سم ملفوفه بتبقى شبه السندوتش و سهله فى اكلها و تختار فيها الحشو اللى انت عاوزه – تانى حاجه تدخل عليها , هى اطباق البسمتى ,, حمزه من اول يوم قرر ان اطباق البسمتى تكون الوحيده من نوعها فى مصر , سواء من الكميه او الافتكاسات اللى فيها عشان كده اطباق البسمتى فى حمزه هى اختراع اصيل من عندنا وانت مغمض عليك وعلى بسمتى حمزه بيبقى بسمتى عليه شيش طاوق وهوت دوج و مشروم وخضار و كاتشب و مايونيز , وممكن تطلبوه ” فُرن ” وده بيكون عليه جبنه موتزاريلا سايحه جوه الفرن كلمه ” فرن ” فى حمزه معناها ان الحاجه اللى طالبها ديه عليها جبنه موتزاريل خلوا بالكوا و اعرفوا المعلومه دى كويس عشان برده دى كلمة السر فى حمزه . الركن الايطالى وده بيبقى فيه اللعب كله , بيتزا وحواوشى ايطالى و قنبله و مكرونات بأى حشو تختاره غرقانه فى الموتزاريلا اللى سايحه برده فى الفرن . اى حاجه فى القسم ده ايا كان نوع الحشو بيكون عليها جبنه موتزاريلا القنبله: اختراع بيوور من حمزه و حقوق الملكيه كلها تابعه لينا عجينه على شكل كوره محشيه هوت دوج و بيبرونى و فراخ كريسبى و جبنه موتزاريلا و خضار . لازم تجربوها المكرونات بتكون صوص ابيض او احمر وعليها نوع الحشو اللى بتختاره ومتغطيه بجبنه موتزاريلا الميجا هو حد اهم اختراعات حمزه واكثرها تطوراً لانه عباره عن حواوشى ايطالى حجم عائلى ، ضعف حجم الحواوشى الايطالى العادى مرتين تقريباً فى حجم بيتزا كبيره و اكيلة حمزه الكبار بس هما اللى يقدروا عليه الميجا حشوه بيكون كريسبى وبيبرونى و هوت دوج و خضار و غرقان حبنه موتزاريلا من جوه و من بره . ركن المشويات: المشويات فى حمزه كنز مايعرفش قيمته الا الاكيله الكبار , خصوصا لو كانوا مجموعه و طلبوا صنيه بأى تشكيلة مشويات يحبوها فكرة انك تاكل انت واللى معاك من طبق واحد ديه بتخلى الاكل طعمه احلى بكتير عشان كده واحنا بنفكر اننا نقدملكم صوانى ، كان اول حاجه تهمنا اننا نلغى من دماغنا ان الصوانى دى مش بس للعزومات ، دى للمة الصحاب مع بعض حواليها فى المنيو هتلاقوا صوانى مكتوب محتوياتها ايه و اسعارها اودامها ولو مش عاوزينها , تقدروا انتوا تشكلوا صنيه و تختاروا ايه اللى يتحط عليها من المشويات و بنحسبلكم قيمتها فى وقتها . ولو مش حابين الاكل من طبق واحد , يبقى عليكوا على اى نوع ميكس جريل عندنا سواء كان العادى اللى بيكون طبق بسمتى كبير و معاه ربع فرخه و شيش طاووق و كفته او ميكس جريل حمزه اللى بيكون فيه كل حاجه ملحوظه مهمه: كل المشويات فى حمزه بتتقدم معاها رز بسمتى او بطاطس او من غير على حسب اختيارك . 5- عندنا كام اكله كده تاهوا مننا وبسببهم اصبحوا مقبلات قبل الاكل , الكريب و الحواوشى البلدى وبطاطس حمزه , اتقلبوا من انهم يكونوا وجبات كامله لأى بنى ادم طبيعى , الا ان عملاء حمزه بقوا يستخدموهم فواتح شهيه قبل الاكل حواوشى بلدى عادى و ممكن تطلبوا عليه هو كمان موتزاريلا او سندوتش كفته ع الفحم معمول رول جوه عيش بلدى ومتحمص و معاهم بطاطس حمزه اللى بتبقى متغطيه بالموتزاريلا و الكاتشب و المايونيز الحلو: الحلو فى حمزه مش هتلاقوا زيه فى مكان تانى اختراعات لا تتوقف كل شويه ، واى حاجه بتيجى على بالنا بنعملهالكم فى فطيره الفكره مكانتش فى ان يتعمل فطيره ويترش عليها شوية نوتيلا خفيفه وخلاص لا ، اساس الحلو عندنا هو انك بتاخد وقت على ماتلاقى الفطيره نفسها اللى بتكون متغطيه بالنوتيلا, فطاير النوتيلا و الشيكولاته العاديه و فطيرة حمزه اللى نصها قشطه وعسل وفواكه ونصها التانى شيكولاته غير فطيره النوتيلا اللى عليها قطع ايس كريم ويتش بتاع زمان مش هتاكلوها غير فى حمزه . الخلاصه ماينفعش تقوموا تروحوا من غير ماتحلوا فى حمزه و اه نسيت اقولكم حاجه مهمه جداً ، فطيرة النوتيلا بتتاكل بالأيد مش بالشوكه و السكينه
عناوين وارقام فروع مطعم حمزة
الفرع الرئيسي لمطعم حمزه
- الخط الساخن: 19578
- العنوان: ٤أ عمارات الشرق للتأمين امام الباب الرئيسى للحديقه الدوليه، مدينة نصر .
- ساعات العمل 10:00 ص – 01:00 ص
عنوان مطعم حمزة فرع القاهرة الجديدة
- العنوان: قطعه ٧٧ مول القطاميه ، شارع ١٧ (مركز خدمات التجمع الخامس ) متفرع من شارع اخناتون خلف سوبر ماركت سعودى
- ساعات العمل 10:00 AM – 1:00 AM
 |
عنوان مطعم حمزة فرع مدينة نصر2
- العنوان: 47 شارع اللواء صالح حرب , تقاطع شارع الخليفه الظافر – الحى السابع .
- ساعات العمل 10:00 AM – 1:00 AM